WhatsApp ta permití bo pone énfasis riba palabranan den bo teksto!

11:35 AM UTS 72 Comments


WhatsApp ta permití bo pone énfasis riba palabranan den bo teksto!


Bo por skibi un mensahe poniendo énfasis riba palabranan dor di hasi nan: ‘Bold’, ‘Italic’ òf ‘Crossed out’.
Kompará ku e último desaroyonan ku WhatsApp a bini kuné, manera e introdukshon di ‘WhatsApp calling’ i ‘Voice note’ e manera di manda teksto aki ta unu konsiderablemente chikitu, sinembargo hopi práktiko.
Dor di hasi uso di un karakter speshal promé i despues di un palabra ku bo ke manda, bo ta pone asin’ei un énfasis riba e palabra spesífiko. Bo por usa e 3 opshonnan aki pa enfatisá loke bo ke bisa òf asta kambia e nifikashon di bo mensahe.


Pa bo manda un palabra na ‘Bold’ usa: (*) promé i despues di e palabra, por ehèmpel; *Tèst*
Pa bo manda un palabra na ‘Italic’ usa: (_) promé i despues di e palabra, por ehèmpel; _Tèst_
Pa bo manda un palabra na ‘Crossed out’ usa: (~) promé i despues di e palabra, por ehèmpel; ~Tèst~

Miéntras nos ta sperando e dia ku WhatsApp bin ku e opshon pa sali for di un ‘WhatsApp group’ sin esaki keda anunsiá den e grupo :), tin algun opshon mas ku tambe ta interesante:
-    Marka bo kòmbersashonnan faborito
-    Pone un grupo na silensio
-    Manda un ‘broadcast’ pa bo kontaktonan
Pa mas di e tipo di informashonnan aki, sigui nos Blog i bo ta keda bon informá, aki na TECH SMART!

-Neftali Girigoria-

72 comments:

Related Posts Plugin for WordPress, Blogger...

Search This Blog

© UTS Curaçao. Powered by Blogger.